یہ دارالعلوم ندوۃ العلماء لکھنؤ کے فاضل مولانا اسامہ ادریس ندوی ہیں، ندوہ کے منہج قدیم صالح اور جدید نافع کی ایک بہترین مثال پیش کی ہے، ندوہ سے دینی علوم سے فراغت کے بعد آپ نے دنیوی علوم میں قدم رکھا اور LLB مکمل کیا، اللہ کے فضل سے اب دہلی ہائی کورٹ میں بحیثیت وکیل آپ کا رجسٹریشن ہوچکا ہے۔ اللہ سبحانہ وتعالی نظر بد سے بچائے! محترم اسامہ ندوی حافظ محمد ادریس صاحب (پھلت) کے صاحبزادہ اور مولانا کلیم صدیقی کے قریبی عزیز ہیں، سوئے اتفاق یہ دونوں ( اسامہ صاحب کے والد اور مولانا کلیم صدیقی) پس دیوار زنداں ہیں، اللہ سبحانہ وتعالی رہائی کے اسباب عطا فرمائے! کہنے کا مطلب یہ ہے کہ وہ فضلاء مدارس جو فراغت کے بعد مدارس و مساجد کے علاوہ دیگر شعبوں میں جانے کے خواہشمند ہوتے ہیں ان کے لئے حالات حاضرہ کے پیش نظر یہ شعبہ زیادہ اہمیت کا حامل ہے، اس معنی کر تاکہ مظلوموں کو انصاف اور حق دلانے میں مضبوط تعاون اور مدد مل سکے۔

یہ جو فتنے اٹھ رہے ہیں وہی بیٹھا بیٹھا شرارت کرے ہے: مفتی غلام رسول قاسمی  تبلیغی جماعت کے خلاف شاہی فرمان کو لیکر سعودی عرب کی مختلف مساجد کے خطبات سننے کا اتفاق ہوا، ان میں سے کچھ باتوں کا ذکر کر دینا مناسب سمجھتا ہوں تاکہ آپ حضرات کو بھی پتہ چلے کہ جماعت کے سلسلے میں کون کون سی باتیں کہی یا کہلوائی گئی۔۔! پہلے یہ سمجھ لیں کہ وہ امور خواہ دینی ہی کیوں نہ ہو یا پھر تنظیم و افراد جن سے بادشاہت کو خطرہ لاحق ہو اس پر پابندی لگا دی جاتی ہے یہی وجہ ہے کہ کہ تقریباً چھیالیس سال سے وہاں کے خطباء حضرات سے ان کے منہ کی زبانیں چھین رکھی ہے، اپنی طرف سے ایک لفظ بولنے کے مجاز نہیں ہیں، انھیں لکھا لکھایا خطبات پڑھنے کا حکم ہے۔ دوسری بات تبلیغی جماعت کے متعلق سعودی حکومت کی "سرکاری دینی تنظیم" کو جو معلومات انڈیا و پاک کے سلفی (سفلی) حضرات نے دی ہے اس میں برصغیر کے سفلی(جادوئی) حضرات نے بہت ہی خیانت سے کام لیا ہے، مثلاً ایک خطیب لکھا ہوا خطبہ پڑھ رہے تھے جس کا مفہوم یہ ہے کہ" تبلیغی جماعت" مشرک ہے، تبلیغی جماعت قبروں کی عبادت کی طرف بلاتی ہے اور بزرگانِ دین کی قبروں ...

‏جج وشنو صاحب کی بے باکی کو سلام:  مفتی غلام رسول قاسمی  گجرات ہائی کورٹ میں آج معاملہ احمد آباد میں کھلے مقامات پر نان ویج فروخت پر پابندی کا تھا، محترم جج نے کارپوریشن کو زبردست پھٹکار لگاتے ہوئے کہا: اسلیے کہ جو پارٹی پاور میں ہے وہ اور اس کے کارکنان چاہتے ہیں کہ لوگ نان ویج نہ کھائے، لہٰذا آپ ان فروخت کرنے والوں کے اسٹال اور بنڈیاں اٹھا کر پھینک دیں گے؟ اپنے کارپوریشن کمشنر کو عدالت میں حاضر ہونے کو کہو! عوام کے درمیان تفریق کرنے کی تمہاری جرات کیسے ہوئی؟ سوشل میڈیا پر جہاں ہزاروں لوگ جج محترم کو سلام اور سلیوٹ پیش کر رہے ہیں تو وہیں بی جے پی حلقہ چراغ پا ہے اور پورے حلقے میں کھلبلی مچی ہوئی ہے۔ واقعی جج صاحب کی جرات کمال کی تھی لیکن مسئلہ یہ ہے کہ ایسے ججوں کو دھمکیاں ملنی شروع ہوجاتی ہیں اسی کے ساتھ یا تو انھیں کسی طرح سائڈ لگا دیا جاتا ہے یا کم از کم دوسری ریاست میں ٹرانسفر ہونے کا حکم نامہ دے دیا جاتا ہے، اب دیکھیے موصوف کے ساتھ کیا ہوتا ہے! مفتی غلام رسول قاسمی

بنگلورو میں مسلم نوجوان کے ساتھ پولس کا شرمناک رویہ تھانے میں توصیف کو بلے سے مارا پیٹا ، داڑھی کاٹ دی اور پیشاب پینے پر مجبور کیا : بنگلورو۔ ۷؍دسمبر: بنگلورو شہر میں پولس کا ایک شرمناک معاملہ سامنے آیا ہے، یہاں کے ایک پولس تھانے میں ۲۳ سالہ مسلم نوجوان کے ساتھ مبینہ طو رپر مارپیٹ کرنے اور اسے پیشاب پینے کےلیے مجبور کیاگیا ، بعد میں پولس انسپکٹر کو معطل کردیاگیا ، معطل پولس افسر ہریش کے این بیاتریان پورہ تھانے سے منسلک تھا۔ اطلاعات کے مطابق یکم دسمبر دوپہر تقریباً ایک بجے ۲۳ سالہ توصیف پاشا کو گزشتہ روز پڑوسی سے جھگڑے کے الزام میں تھانہ لے جایاگیا، توصیف کے والد اسلم پاشا نے کہاکہ بیٹے کے ساتھ مار پیٹ کی گئی اور پولس نے توصیف کی رہائی کےلیے پیسے کا مطالبہ کیا، لیکن ہم کبھی نہیں جانتے تھے کہ توصیف کو تھانے سے باہر آنے تک تشدد کا نشانہ بنایا گیا تھا۔ توصیف نے کہاکہ انہوں نے مجھے کرکٹ کے بلے سے کم سے کم تیس بار مارا، اور جب میں نے ان سے پینے کےلیے پانی طلب کیا تو انہوں نے مجھے پیشاب پینے پر مجبور کیا، میری داڑھی بھی کاٹ دی میں نے ان سے ایسا نہ کرنے کی بھیک مانگی کیوں کہ یہ میری عقیدت ک...

کافر کے کفر میں اضافہ ہوا نہ کہ مسلم سے مرتد: مفتی غلام رسول قاسمی  جو گروہ پہلے سے ہی قرآن میں تحریف کا قائل ہو، حضرت عائشہؓ کی برأت والی آیتوں کا منکر اور نعوذبااللہ آپؓ کو زانیہ کہتا ہو، حضرات شیخینؓ و حضرت غنیؓ سے حضرت علیؓ کو افضل مانتا ہو بلکہ حضرت علی کو اللہ کا درجہ تک دیتا ہو، جماعت صحابہ کو کافر و مرتد کہتا ہو ایسے کفریہ عقائد رکھنے والے گروہ سے ایک لعین ہندومَت میں چلا جائے تو وہ مرتد کیسے کہلائے گا؟ جو مسلمان تھا ہی نہیں اسے مرتد کہہ کر افسوس کرنا اور اس لعین کا آڑ لے کر علماء کو برا بھلا کہنا ناقص علمی اور بے وقوفی کی علامت ہے۔ مفتی غلام رسول قاسمی اس پوسٹ کے ساتھ ملفوظات تھانویؒ کا بھی مطالعہ کرلیں تو علم میں مزید اضافہ ہوگا ان شاء اللہ. 

قانون کی بالادستی میں ہی جمہوریت کی بقاء ہے: مفتی غلام رسول قاسمی  ‏آج ہی کے دن چھبیس نومبر 1949 کو ہمارے ملک بھارت  کا آئین تیار کیا گیا تھا، مناسب ہوتا کہ آج قومی سطح پر محاسبہ کیا جاتا کہ ملک کا جو دستور بنا تھا اس پر حزب اقتدار اور اس سے جڑی عوام عمل کر رہی ہے یا نہیں؟ غور و خوض کیا جاتا کہ ملک کے آئین کی خلاف ورزی کہاں کہاں اور کن زاویوں سے ہو رہی ہے تاکہ آئے دن اس کی ہو رہی خلاف ورزیوں پر لگام لگایا جا سکے۔  ملک بھر میں ہر مذہب کے ماننے والوں کو برابری کا حق مل رہا ہے کہ نہیں؟ کہیں کسی خاص طبقے کی جانب سے اقلیتوں کو تکلیف تو نہیں پہنچائی جا رہی ہے؟ ویسے تو ہندوستان کا دستور دنیا کے سارے ممالک کے مقابلے میں سب سے زیادہ مفصل ہے لیکن دستور مکتوب ہے اور عمل نہیں کیا جا رہا ہے، قانون کی بالادستی کو لیکر اس لیے بھی فکر مند ہونا ضروری ہے کہ نفرت پرست لوگ اور گروہ اقلیتوں خصوصاً مسلمانوں کے جذبات مجروح کر رہے ہیں، مسلمانوں سے ووٹ کا حق چھیننے کا مطالبہ کر رہے ہیں، مدارس دینیہ کو دہشت گردی کا اڈا کہتے تھکتے نہیں، مسلمانوں کو گالیوں کے ساتھ غدار اور گولی مارنے کے ...

غلام مصطفی عدیل قاسمی  یہ صلاح الدین ہیں آج سے چھبیس سال پہلے بے بنیاد الزام کے تحت گرفتار کیے گئے تھے، طویل عرصے بعد عدالت نے ثبوت نہ ملنے کی وجہ سے بری کردیا۔! سوال یہ ہے کہ ان کے چھبیس سال کی قیمت کون ادا کرے؟ جن آفیسرز نے انہیں پھنسایا ان کی کب پکڑ ہوگی تاکہ کسی کی زندگی تباہ کرنے سے پہلے سو بار سوچیں؟ ہمارے قانونی اداروں کے پاس ایسا کون سا طریقہ سے جس سے تباہ شدہ زندگیوں کی بازآبادکاری ہو اور اجڑے گھروں میں خوشیاں عود کر آئے؟ جو لوگ قانون کی وردی پہن کر اپنے آپ کو قانون سے اوپر سمجھتے ہیں ان پر لگام کب اور کیسے کسا جائے؟ ان سینکڑوں لوگوں (طویل عرصہ بعد بھی جنکا ابھی تک فرد جرم داخل نہیں ہوا) کو کب رہا کیا جائے گا جو سالوں سے ناکردہ گناہوں کی سزا کاٹ رہے ہیں؟ امید کہ بے گناہوں کو انصاف دلانے اور ان کی زندگی بچانے کیلئے ہماری عدلیہ کوئی ٹھوس قدم اٹھائے گی۔

مفتی غلام رسول قاسمی  میرا ماننا یہ ہے کہ مٹھی بھر مسلمان احتجاج کرکے اگر ایک الگ ملک بنانے میں کامیاب ہو سکتے ہیں تو پچیس کروڑ مسلمان اپنے بل بوتے پر احتجاج کرکے کامیابی حاصل کیوں نہیں کر سکتے؟ ضرور کر سکتے ہیں، لیکن جمعیۃ علماء ہند کے بینر تلے حیدرآباد میں دئے گئے مولانا ارشد مدنی صاحب کے پرانے بیان کو اس کا سیاق سباق تراش کر (جبکہ وہ ویڈیو انتیس منٹ چالیس سکنڈ پر مشتمل ہے) اب شئیر کرنا کیا معنی رکھتا ہے؟  اب جب کہ مولانا مسلم پرسنل لا بورڈ کے نائب صدر منتخب ہوئے ہیں کہیں اس کی بھڑاس نکالنے کی کوشش تو نہیں ہے؟ یہ اچھی بات نہیں ہے، جمعیۃ کا اول یوم سے نظریہ ہندو مسلم اتحاد اور بلاتفریق مذہب و ملت خدمت کا جذبہ اور ہندوستان کی سالمیت و بقا سیکولرزم کی بنیاد پر رہا ہے، اس لیے ہر تحریک و احتجاج میں وہ مسلم کے ساتھ دیگر مذاہب کے افراد کو بھی شامل رکھتی ہے اس بنا پر مولانا نے جمعیۃ کے پلیٹ فارم سے بات کہی تھی، خیر جمعیۃ کا اپنا نظریہ و دائرہ کار ہے، اور ہمارا اپنا لیکن پرانے بیان کو ڈھونڈ کر اچھالنا امت میں نفرت کی بیج بونے کے مترادف ہے۔ مفتی غلام رسول قاسمی  you c...

مولانا سید ارشد مدنی صاحب جہاں سینکڑوں مدارس و ادارے کے سرپرست ہیں وہیں آپ دارالعلوم دیوبند کے استاذ حدیث اور صدر المدرسين کے عہدہ پر فائز ہونے کے ساتھ جمعیۃ علماء ہند کے صدر ہیں اور امارت شرعیہ ہند (جمعیۃ علماء ہند) کے ارباب حل و عقد کی جانب سے آپ کو باوقار عہدہ "امیر الہند" بھی تفویض کیا گیا، مزید برآں آپ رابطہ عالم اسلامی اور آل انڈیا مسلم پرسنل لا بورڈ کے رکن تاسیس بھی ہیں، آج ایک اور عہدہ آپ کو سنبھالنے کی ذمہ داری سونپی گئی ہے وہ ہے نائب صدر آل انڈیا مسلم پرسنل لا بورڈ کا عہدہ، اللہ سبحانہ وتعالی آپ کی نیابت کو خیر کا باعث اور امت مسلمہ ہندیہ کے لیے فائدہ مند بنائے! مفتی غلام رسول قاسمی

مولانا رابع حسنی ندوی دوبارہ صدر اور مولانا محمود احمد خاں دریا بادی رکن تاسیسی منتخب:  آل انڈیا مسلم پرسنل لا بورڈ کی دوسری نشست میں باتفاق رائے مولانا محمد رابع حسنی ندوی صدر منتخب ہوئے، نیز نئے رکن مولانا محمود احمد خاں دریا بادی (ممبئی) کو بطور رکن تاسیسی کے منتخب کرنے کے ساتھ چالیس دیگر افراد کو عاملہ میں شامل کیا ہے۔ انتخاب کے بعد مسلم پرسنل لا بورڈ کے جنرل سیکرٹری حضرت مولانا خالد سیف اللہ رحمانی و دوسرے ممبرانِ بورڈ نے مولانا محمود احمد خاں دریا بادی اور نئے ارکان عاملہ کو مبارک باد پیش کیا۔  مفتی غلام رسول قاسمی .

بزم شعور قسط ۲ (احاطہ دارالعلوم دیوبند میں بیتے ایام 72-1971ء)  احمد سجاد قاسمی  شعور کے اداریے میں ہم لوگوں کے خیال میں کوئی خاص بات نہیں تھی ۔صرف اتنا لکھا گیا تھا کہ دارالعلوم ایک خالص علمی ادارہ ہے اس عالمی شہرت یافتہ ادارہ کا کسی خاص تنظیم یا جماعت اور جمعیت سے ہی کوئ رشتہ نہیں بلکہ اس کے ماننے والوں میں اور اسکے فضلاء میں مختلف تنظیموں اور جماعتوسے تعلق رکھنے والے افراد ہیں ۔کسی سیاسی یا نیم سیاسی جماعت کی ممبر سازی اندرون دارالعلوم بہت اچھا عمل نہیں ہے ۔علمی تعلیمی اور تربیتی چہل پہل ہی دارالعلوم کا طرہ امتیاز ہے ۔۔۔۔ہمارے تین اساتذہ کرام نے شعور سے منسلک افراد کے خلاف اپنے ہر درس سے پہلے ماحول بنانا شروع کر دیا ۔اور طلباء کے ذہنوں میں راسخ کرنے کی کوشش کی کہ ابھی دارالعلوم میں کچھ طلباء مودودی ہیں ان سے دارالعلوم دیوبند کو پاک کرنا ہم سبھی کا فریضہ ہے ۔ہمارے ان اساتذہ کرام میں ایک حضرت مولانا وحید الزمان صاحب کیرانوی تھے جو ہم طلباء میں کافی مقبول بلکہ محبوب تھے ۔آپ کی مقبولیت کا اندازہ اس بات سے کر سکتے ہیں کہ طلباء انکی رفتار اور گفتار کی نقلیں اتارتے ت...

سمپوزیم ..اسلام اور عصرحاضر ۔۔۱۳-اپریل ۱۹۷۷۔ مولانا احمد سجاد قاسمی  مجلس کا تیسرا فیصلہ یہ ہوا کہ حضرت مولانا ریاست علی بجنوری کی نظم ترانہ دارالعلوم جوانکے مجموعہ کلام میں مقید ہے اسے ہم بحیثیت ترانہ دارالعلوم سمپوزیم میں اس طرح پیش کریں کہ دارالعلوم دیوبند کے ہر اجلاس میں طلبہ پڑھنے کے لیے مجبور ہو جائیں اور عملی طور پر پر وہ دارالعلوم کا ترانہ بن جاے ۔اب یہ بڑا مسئلہ بن گیا کہ اسے پیش کر نے کا کیا طریقہ ہو۔ہم میں کوئی نعت خواں یا صاحب ترنم تو تھا نہیں ۔پھر بھی یہ خیال تھا کہ نعت یا غزل کا ترنم ترانہ کو مجروح کر دیگا ۔اسی حیص بیص میں سب مبتلا تھے کہ اچانک سعید بھائی کی رگ حمیت پھڑکی انہوں نے پورے اعتماد سے کہا کون سا ایسا کام ہے جسے رفقاء ثقافت نہیں کر سکتے ہیں ۔ترانہ کیلئے میں اسلام بھائی اور سجاد کافی ہیں ۔طرز بنا لیں گے اور مشق کریں گے اور انشاءاللہ اچھے طریقے سے پیش کریں گے ماشااللہ سبھی صاحب ذوق ہیں ۔اگلے دن سے محنت شروع کردی گئی ۔الداعی کا دفتر جہاں ہم سبھوں کا جماوڑا ہوتا تھا اسلام بھائی جب تک الداعی کے کاموں میں مصروف ہوتے ہماری مشغولیات متنوع تھیں ۔شعر و شا...

سوال:کیا سسر  اور بہو ایک گھر میں رہ سکتے ہیں؟  مسئلہ یہ درپیش ہے کہ ایک گھر میں چار افراد رہتے تھے ساس سسر بیٹا اور بہو، اللہ تعالیٰ کی مشیت سے پہلے ساس کا انتقال ہو گیا پھر بیٹے کا، اب گھر میں سسر اور بہو ہیں تو کیا یہ ایک کمرہ میں یا ایک گھر میں رہ سکتے ہیں؟ جواب : صورت مسؤلہ میں شرعاً پردہ تو نہیں ہے لیکن دور پر فتن میں فتنہ کا زیادہ اندیشہ ہے، بہتر ہے احتراز کیا جائے! 

اگر آپ یوپی میں ہیں تو....  مفتی غلام رسول قاسمی آپ ملک کی سب سے زیادہ گھنی آبادی والی ریاست یوپی میں ہیں اور آپ کا اکثریتی فرقہ سے تعلق نہیں ہے تو آپ کے ساتھ کچھ بھی ہو سکتا ہے، کبھی راتوں رات ظلم اور جرم کو چھپانے کے لئے ریپ شدہ مردہ لاش کو جلوا دیا جائے گا، کبھی زنا بالجبر کے بعد زندہ بچ گئی لڑکی کا عدالت سے لوٹتے ہوے ایکسیڈنٹ کروایا جائے گا، کبھی خبر کی تحقیق و رپورٹ کے لیے جا رہے صحافیوں پر یو اے پی اے جیسا سخت قانون لاگو کر کے سلاخوں کے پیچھے ڈال دیا جائے گا، کبھی مجرم کی زبان سے حکومت کا گھناؤنی چہرہ سامنے آنے سے قبل ہی گاڑی کو پلٹوا دیا جائے گا، کبھی این آر سی اور سی اے اے قانون کے خلاف احتجاج کرنے پر گولیوں سے چھلنی کروا دیا جائے گا، کبھی لو جہاد کے نام پر ہراساں کیا جائے گا، کبھی ماب لنچنگ کرنے والے ظالموں کی پشت پناہی کرکے ان کو رہا کروا لیا جائے گا اور ورثاء کو پھنسا دیا جائے گا، کبھی بیوی بچوں کے سامنے چھت سے گرا کر مروا دیا جائے گا، اگر با اثر سیاسی شخصیت ہیں اور اقلیتوں کے لیے کچھ کرنا چاہتے ہیں تو آپ کے خلاف مقدمہ درج کرکے جیل کے حوالے کر دیا جائے گا، اگ...

 بڑے ہم سے اچھی سمجھ اور اچھا بولنا جانتے ہیں: مفتی غلام رسول قاسمی  مولانا ارشد مدنی صاحب کے انٹرویو پر کئی دنوں سے مسلمانوں میں بحث چل رہی تھی اور اخر کار مولانا کا مکمل انٹرویو چینل سے نشر بھی ہوگیا، مجھے لگا تھا وہ نارنگی مزاج اور سماج کے لیے زہریلا ناگ سریش چوہانکے مولانا کے باتوں کو کاٹ چھانٹ کر اپنے شو پر دکھائے گا لیکن ایسا اس نے نہیں کیا جوکہ اچھی بات ہے، ایک صحافی صاحب گزشتہ روز مولانا ارشد مدنی کے متعلق لکھا اور خود کو مولانا ارشد مدنی صاحب سے زیادہ عقلمند گردانتے ہوے لکھا کہ جہاں تک موجودہ حالات کا جو کچھ تھوڑا بہت "مجھے" تجربہ ہے اس کی روشنی میں مولانا نے ایسے چینل پر جا کر اچھا نہیں کیا " ان صحافی صاحب کو شاید یہ معلوم نہیں کہ مولانا ارشد مدنی کسی چینل پر جاتے نہیں ہیں کوئی انٹرویو لینے آجاتا ہے تو بطور مہمان انھیں ان کے سوالات کے جوابات دینے پر اکتفا کرتے ہیں، پھر صحافی صاحب نے لکھا کہ" اگر انٹرویو میں مولانا کی زبان سے کوئی ایسی بات نکل گئی جس کا ہندتوا سماج ایشو بنا دے تو مسلمانوں کے لیے اضافی سر درد! بھائی صاحب آپ سے عمر کے ساتھ ساتھ تجربات میں بھی...

مسلم "نام" ہی کافی ہے:. ‏شاہ رخ خان کے بیٹے کے ساتھ جو سلوک اور میڈیا ٹرائل کیا جا رہا ہے وہ محض مسلم نام سے عناد کی بنیاد پر ورنہ شاہ رُخ خان بہت پہلے واضح کرچکے ہیں کہ انکا فرزند آریان خان و دختر سہانا خان اپنی والدہ کے ہندو مذہب پر عمل پیرا اور چھوٹا ابرام خان میرے نقش قدم پر خود کو مسلم باور کراتا ہے، ‏شاہ رخ خان اور ان جیسے دیگر لوگوں کے لیے اس میں بڑا سبق ہے کہ گھروں میں مورتی پوجا کرنے سے اللہ سبحانہ وتعالی تو ناراض ہوں گے ہی لیکن کفار بھی کبھی خوش نہیں ہو سکتے اس لئے اپنی اصلیت (صبغۃ اللہ) اور اللہ کی وحدانیت کی طرف لوٹ آنا ہی دنیا و آخرت میں کامیابی کا ضامن ہے۔ مفتی غلام رسول قاسمی

مسلم پرسنل لاء بورڈ کی جانب سے آسان نکاح مہم شروع کیا گیا وہ خوش آئند ہے اور حالات کے مطابق ضروری بھی ہے، جہیز لینا حرام ہے اس سے کسی کو انکار نہیں، لیکن یہ بھی المیہ دیکھنے میں آیا ہے کہ وہ مسلم نوجوان یا ان کے اہل خانہ جو جہیز کے لعنت سے پاک اور آسان (سنت کے مطابق) نکاح کے خواہشمند ہوتے ہیں اور دوران گفتگو لڑکے کے اولیاء لڑکی والوں سے کہتے ہیں کہ ہم جہیز بالکل بھی نہیں لیں گے، سنت کے مطابق نکاح کریں گے تو لڑکی کے اولیاء "ہو نہ ہو لڑکے میں کوئی عیب ہوگا" سمجھتے ہوئے کوئی الگ بہانا بناکر رشتہ سے انکار ہوجاتے ہیں، ایسے بہت سے واقعات رونما ہوچکے اور ہو رہے ہیں، اس لیے اس سوچ سد باب اور اسباب و تدارک کی تدابیر پر غور کرنے کی ضرورت ہے غلام رسول قاسمی Gulamrasool939@gmail.com

معلوم یہ کرنا ہے کہ چاشت اوابین اشراق کی کیا کیا فضیلتیں ہے جواب  1)حضرت انس بن مالک رضی اللہ عنہ سے روایت ہے کہ جناب رسول اللہ صلی اللہ علیہ وسلم ارشاد فرماتے ہیں کہ جو شخص چاشت کی ۱۲؍ رکعت نماز پڑھتا ہے تو اللہ تعالی اس کے لئے جنت میں ایک سونے کا محل تیار کرتے ہیں۔  عن أنس بن مالک ص قال: قال رسول اللّٰہ ا: من صلی الضحیٰ ثنتی عشرۃ رکعۃ بنی اللّٰہ لہ قصراً فی الجنۃ من ذہب۔ (ترمذی شریف ۱؍۱۰۸) 2)جناب رسول اللہ صلی اللہ علیہ وسلم کا ارشاد مبارک ہے کہ: ’’جو شخص نماز مغرب کے بعد چھ رکعات (اوابین کی نماز) پڑھے گا، اور ان کے درمیان کوئی غلط بات زبان سے نہ نکالے گا تو یہ چھ رکعات ثواب میں اس کے لئے بارہ سال کی عبادت کے برابر قرار پائیںگی‘‘۔  عن أبي ہریرۃ ص قال: قال رسول اللّٰہ ا: من صلی بعد المغرب ست رکعات لم یتکلم فیما بینہن بسوء عدلن لہ بعبادۃ ثنتی عشرۃ سنۃ۔ (ترمذی شریف ۱؍۹۸) 3)حدیثِ قدسی ہے کہ اللہ تعالی اپنے بندوں سے مخاطب ہوکر فرماتے ہیں کہ اے ابن آدم! تو دن کے شروع حصہ میں خالص میرے واسطے چار رکعات نماز پڑھ لیا کر، میں دن کے آخر حصہ تک (شام تک) تیری (ضرورتوں کی) کفایت ک...

پوچھنا یہ ہے کہ وتر پہلے ہے یا تہجد  جواب  اگر جاگنے کا بھروسا ہو تو وتر، تہجد کی نماز کے بعد پڑھنا افضل ہے، اس لئے اگر صبحِ صادق سے پہلے وقت میں اتنی گنجائش ہو کہ نوافل کے بعد وتر پڑھ سکے گا تو پہلے تہجد کے نفل پڑھے، اس کے بعد وتر پڑھے، اور اگر کسی دن آنکھ دیر سے کھلے اور یہ اندیشہ ہو کہ اگر نوافل میں مشغول ہوا تو کہیں وتر قضا نہ ہوجائیں تو ایسی صورت میں پہلے وتر کی تین رکعتیں پڑھ لے، پھر اگر صبحِ صادق میں کچھ وقت باقی ہو تو نفل بھی پڑھ لے۔(مستفاد آپکے مسائل اور انکا حل۵۸۹/۳ نماز وتر، مکتبہ لدھیانوی کراچی) واللہ اعلم بالصواب

اگر کوئ عقیقہ کےلئے جانور خریدے پھر عقیقہ سے پہلے بچہ مرجائے توکیا عقیقہ کرنا ہے یا نہیں مدلل مفصل جواب دیکر ممنون ومشکور فرمائیں نوازش ہو گی والسلام مع الکرام  جواب  عقیقہ زندوں کی کی جاتی مردوں کی نہیں،لہذا صورت مسئولہ میں آپ کیلئے عقیقہ ضروری نہیں ہے،اس جانور کو کچھ بھی۔کرسکتے ہیں  واللہ اعلم بالصواب

میرا سوال یہ ہے کہ کیا مرنے کے بعد روح واپس آسکتی ہیں۔  کیونکہ کچھ لوگ اپنے رشتہ داروں کے مرنے کے بعد خواب میں ان کو دیکھتے ہیں یا اپنے آس پاس محسوس کرتے ہیں۔ جواب  یہ سب وہم ہوتا ہے  مرنے کے بعد مردہ کی روح اپنے مقام علیین یا سجین میں پہنچادی جاتی ہے، اسے دنیا میں نہیں بھیجا جاتا ہے، مرنے کے بعد روح کا گھر واپس آنا یا جمعرات کو آنا قرآن و صریح حدیث سے ثابت نہیں ہے کلا إن کتٰب الفجار لفی سجین۔ المطففین:۷۔ کلا إن کتٰب الأبرار لفی علیین۔ المطففین: ۱۸۔ قلنا وجہ التوفیق: أن مقر أرواح المومنین فی علیین أو فی السماء السابعة ونحو ذلک کما مر ومقر أرواح الکفار فی سجین۔ التفسیر المظہری: ۱۰/ ۲۲۵، حافظ کتب خانہ کوئٹہ۔

جمعہ کی نماز ادا کرتے وقت وضو ٹوٹ جائے تو کیا کریں؟ اگر جماعت سے نکلکر وضو کرنے کی کوئ صورت نہ ہو تو بعد میں ظہر کی چار فرض اور دو سنتیں پڑھی جاۓ یا کوئ اور طریقہ ہے؟؟؟ الجواب وباللہ التوفیق ! صورت مسؤلہ میں جس رکن میں وضووضوٹوٹ جائےتووضوٹوٹتےہی نمازسےنکل آئےاوراگرامام نےسلام نہ پھیراہوتووضوبناکرامام کیساتھ نمازمیں شریک ہوجائےامام کےسلام پھیرنےکےبعدفوت شدہ رکعت کواداکرلیاجائےاوراگرامام نےسلام پھیردیاہےتوفوت شدہ مابقیہ رکعت کواداکرلیاجائےلیکن شرط یہ ہےکہ نماز سےنکلنےکےبعدسےوضوبناکردوبارہ نمازمیں شامل ہونےتک کسی سےکوئی بات چیت نہ کی ہواگراس دوران کسی سےگفتگوکرلیاتوپھردوصورتیں ہیں اول امام نےسلام نہ پھیراہوتوازسرنوتکبیرتحریمہ کیساتھ امام کیساتھ نمازمیں شامل ہوجائےاورمابقیہ فوت شدہ رکعت امام کےسلام پھیرنےکےبعدپوری کرلے،دوم اگر امام نےسلام پھیردیاتواب ظہرکی نیت سےاپنی نمازاداکرے رہی بات نمازسےنکل کروضوبنانےکی کوئی صورت نہ بننےکی توظہرکی تمام سنن مؤکدہ اورفرض کی ادائیگی لازم ہوگی۔ واللہ اعلم بالصواب 

اگر کسی لڑکی کی کم عمر میں شادی ہوگئی مثلاً ١٨سال کی عمر میں اور اسی سال اسے حمل ٹھر جائے تو کیا وہ کم عمر کی وجہ سے اسقاط حمل کر سکتی ہے یا نہیں؟ الجواب و باللہ التوفيق  صورت مسئولہ میں اسقاط نہیں کرواسکتے ۔۔ واللہ تعالی اعلم 

ناخن پالش لگے ہوئےوضو اور غسل کا حکم سوال  مفتی صاحب! آج کل نوجوان لڑکیاں عام طور پر ناخن پالش لگاتی ہیں، پوچھنا یہ ہے کہ ناخن پالش کو صاف کرنے کے بعد وضو کریں یا ناخن پالش کے اوپر سے وضو کیا جا سکتا ہے؟ جواب واضح رہے کہ حق تعالیٰ شانہ نے عورت کے اعضاء میں فطری حسن رکھا ہے، ناخن پالش کا مصنوعی لبادہ محض ایک غیر فطری چیز ہے، تاہم ناخن پالش لگانے سے اس کی تہہ ناخنوں پر جم جاتی ہے، جس کی بنا پر وضو میں پانی ناخنوں تک نہیں پہنچتا، لہذا ناخن پالش کے ہوتے ہوئے وضو کرنا صحیح نہیں ہے۔ ۔۔۔۔۔۔۔۔۔۔۔۔ دلائل: وفی نور الایضاح: ولو انضمت الاصابع او طال الظفر فغطی الانملہ او کان فیہ ما یمنع الماء کعجین وجب غسل ما تحتہ۔ (ص:31 فصل فی الوضوء) واللہ تعالٰی اعلم بالصواب 

 سوال:  الســـــلام عليكم ورحمةالله وبرکاتہ  مفتى صاحب اگر کوئی نمــاز میں استراحت کے وقت یا تکلیف کے وقت اللهُ اللهُ کہے یا سبحان اللہ الحمدلللہ کہے تو کیا نمازمیں کوئ فساد واقع ہوگا یا نہیں واضح فرمائیں  باسمہ تعالی   الجواب وبالله التوفيق: صورت مسؤولہ میں نماز فاسد نہ ہوگی؛ اس لئے کہ یہ کلمات جواب کے لئے نہیں؛ بلکہ ثواب کے حصول کے لئے استعمال ہوئے ہیں۔ عن رفاعة بن رافع عن أبيه رضي الله عنه قال: صليت خلف رسول الله صلى الله عليه وسلم فعطست فقلت الحمد لله حمدًا كثيرًا طيبًا مباركًا فيه مباركًا عليه كما يحب ربنا ويرضى فلما صلى رسول الله صلى الله عليه وسلم انصرف فقال من المتكلم في الصلاة . فلم يتكلم أحد ، ثم قالها الثانية : من المتكلم في الصلاة . فلم يتكلم أحد ، ثم قالها الثالثة : من المتكلم في الصلاة . فقال رفاعة بن رافع ابن عفراء : أنا يا رسول الله قال : كيف قلت ؟ قال قلت : الحمد لله حمدًا كثيرًا طيبًا مباركًا فيه، مباركًا عليه كما يحب ربنا ويرضى . فقال النبي صلى الله عليه وسلم والذي نفسي بيده ، لقد ابتدرها بضعة وثلاثون ملكًا أيهم يصعد بها. (سنن الترمذ...

 سوال: السلام علیکم و رحمۃ اللہ وبرکاتہ کوئی شخص فرض نماز پڑھ  کر دوسرے مسجد میں اذان دے سکتا ہے؟ باسمہ تعالی الجواب وبالله التوفيق:  ایک جگہ فرض پڑھ کر دوسری جگہ اذان پڑھنا مکروہ ہے۔ يكره له أن يؤذن فی مسجدین (در مختار)وقال الشامی  : لأنه اذا صلی فی المسجد الاول یکون متنفلاً بالاذان فى المسجد الثانی والتنفل بالاذان غیر مشروع؛ لأن الاذان للمکتوبۃ و ھو فی المسجد الثانی یصلی النافلۃ  فلا ینبغی ان یدعو الناس الی المکتوبۃ وھو لا یساعدھم فیھا  ،، {درمختار مع الشامی ٦٥/٢ بیروت _ ١٧١/٢ زکریا ، احسن الفتاوی ۲ /۲۹۰ فتاویٰ رحیمیہ ۳ / ۱۵ صغیری ۱۹۷}  فقط. والله أعلم بالصواب