سوانح مولانا محبوب فروغ سمستی پوری

تصویر
حضرت مولانا محبوب فروغ احمد صاحب سمستی پوری دامت برکاتہم استاذِ حدیث، دارالعلوم دیوبند حضرت مولانا محبوب فروغ احمد صاحب سمستی پوری دامت برکاتہم ۱۴ جمادی الاولیٰ ۱۳۹۷ھ، مطابق ۳ مئی ۱۹۷۷ء، بروز منگل، دن کے ایک بجے بہار کے مشہور ضلع سمستی پور میں پیدا ہوئے۔ آپ کے والد کا نام مولانا محفوظ الرحمن صاحب ہے۔ آپ کا گھرانہ شروع ہی سے علمی تھا اور سب کا تعلق مسلکِ دیوبند سے تھا۔ اسی لیے آپ نے ابتدائی تعلیم اپنے والد محترم ہی کی نگرانی میں حاصل کی۔ اس کے بعد انگریزی کی ابتدائی تعلیم بھی حاصل کی۔ ۱۳ سال کی عمر میں آپ نے دینی تعلیم کی طرف توجہ کی۔ چنانچہ مدرسہ فیض العلوم، حسن پور، سمستی پور میں فارسی اول میں داخلہ لیا۔ اس زمانے میں فارسی کی تعلیم کئی سالوں پر مشتمل ہوتی تھی، اس لیے ۱۹۸۹ء میں مدرسہ بشارت العلوم، کھرایاں پتھرا دربھنگہ میں فارسی دوم کی تعلیم حاصل کی۔ ۱۹۹۰ء میں مدرسہ شیخ الاسلام، شیخوپور، اعظم گڑھ، یوپی میں عربی اول کی تعلیم حضرت مولانا اعجاز احمد اعظمی کی سرپرستی میں حاصل کی۔ ۱۹۹۲ء میں عربی دوم سے عربی پنجم تک، مختصر المعانی تک، دارالعلوم حیدرآباد میں تعلیم حاصل کی۔ یہاں آپ کے مشہور اس...

حالات کے ذمہ دار ہم سب ہیں

حالات کے ذمہ دار ہم سب ہیں

ملک کا منظر نامہ جس تیز رفتاری سے بدل رہا ہے اور مسلمانوں کو قومی دھارے سے الگ کرنے کی کوشش جس وسیع پیمانے پر کی جارہی ہے مسلم قوم کی بے حسی اس سے کہیں تیز رفتاری کے ساتھ روز افزوں بڑھتی ہی جا رہی ہے، اور انکی ترجمان ملی تنظیموں کواس سے کہیں زیادہ تیزی کے ساتھ بےوزن کرنےیا یوں کہیئے انھیں بے اثر بنانے اور اپنے قائدین سے بدگمان کرنے کی انتھک کوششیں کی جارہی ہیں، ہم سب کی بے حسی یا جرم یہ ہے کہ ہم مسلم مخالف پروپیگنڈوں اور انکے خلاف رچی جا رہی سازشوں کا ادراک نہیں کر پاتے، جسکا نتیجہ ہے کہ ہم ہر مسئلہ میں ناکاماور ہر جگہ ہمیں منھ کی کھانی پڑتی ہے، ہمیں آپس میں دست و گریباں کرکے اور ہماری ہی قوم کے چند لالچی مفاد پرست اور دین بیزار افراد کو ہمارے ہی خلاف کھڑا کردیا جاتا ہے اور ہماری آواز کمزور کر دی جاتی ہے،ہم کسی بھی ملی تحریک کو ٹارگیٹ کئے بغیر یہ کہنے کی جسارت کر رہے ہیں کہ گرچہ ان تحریکوں اور تنظیموں نے اچھے کام کئے اور کر رہے ہیں، لیکن اگر ہم ان کا موازنہ ہندو تنظیموں کی کار کردگی سے کریں تو مسلم تنظیمیں انکے سامنے بونا نظر آئیں گی، سیاست کا میدان ہو یا معیشت کا، تعلیمی ترقی کی بات ہو یا قوم کی ذہن سازی اور انھیں جوڑ کر رکھنے کی بات ہم ہر چیز میں پیچھے اور وہ ہم سے بہت آگے ہیں، ہم یہ ہرگز نہیں کہتے کہ اب ان تنظیموں کی ضرورت نہیں یاان تنظیموں نے اپنی افادیت کلی طور پر کھودیا ہے لیکن ہم اتنا ضرور کہیں گے کہ انھوں نے اپنا جوش وجذبہ کھودیا ہے، ان میں وہ اسپرٹ باقی نہیں رہی جسکی ابھی ضرورت ہے، ہم کام کم اور نام کے پیچھے زیادہ بھاگ رہے ہیں،اور وہ جو بھی کرتے ہیںپردے کی پیچھے کرتےہیں، وہ منصوبہ بندی اور پلاننگ پہلے کرتے ہیں اور کام بعد میں اور ہم پلاننگ کی دولت سے تہی دامن ہیں، ہم وقت اور حالات کو سمجھنے کی صلاحیت کھو چکے ہیں، ہمیں حادثہ کی اطلاع اس وقت ہوتی ہے جب وہ ہمارے دروازے پر دستک دے چکا ہوتا ہے،جتنا ہم جلسے جلوس پرقوم کی محنت اور پیسہ خرچ کرتے ہیں اگر اسی کو تعلیمی بیداری اورزمینی سطح پرمسلمانوں کو جوڑنے اور انھیں بیدار رکھنے پر کرتے، تو آج ہم جس دور سے گذر رہے ہیں اسکی نوبت نہیں آتی، اس جرم بے حسی میں ہم سب شریک ہیں، لیکن ابھی موقع ہاتھ سے نہیں گیا اور حالات کنٹرول سے باہر نہیں ہوئے ہم سب کو مل کر اپنا احتساب کرنا چاہئے کہ ہم سے کہاں کہاں غفلت ہوئی ہے اور اس کا تدارک کیسے کیا جا سکتا ہے ؟ان حالات کا ذمہ دار کسی اور کو بنانے کے بجائے، اور ایک دوسرے کو کوس کر دل کی بھڑاس نکالنے کے بجائے اگر ہم فرد کی حیثیت سے ان حالات کا ذمہ دار خود کو بنالیں اور دوسرے کو ہدف تنقید بنانے کے بجائے خود کو ملامت کریں اور اپنی ذمہ داری اور فریضہ کو یاد رکھیں تو حالات سازگار ہو سکتے ہیں۔ ربنا ظلمنا أنفسنا وإن لم تغفر لنا وترحمنا لنكونن من الخاسرين.
 محمد جبرئیل ندوی

تبصرے

اس بلاگ سے مقبول پوسٹس

ای۔ دارالعلوم الاسلامیۃ دیوبند، عہدِ جدید کی معصوم کلیوں کے لئے محفوظ علمی گلشن

حضرت پیر ذوالفقار احمد صاحب نقشبندی ہمارے عہد کی عظیم شخصیت

اورنگ زیب عالمگیرؒ سچائی اور پروپیگنڈه

نیا سال اور ہمارا معاشرہ

ہوشیار :آپ کے ساتھ بھی اس طرح کا دھوکہ ہو سکتا ہے