سوانح مولانا محبوب فروغ سمستی پوری

تصویر
حضرت مولانا محبوب فروغ احمد صاحب سمستی پوری دامت برکاتہم استاذِ حدیث، دارالعلوم دیوبند حضرت مولانا محبوب فروغ احمد صاحب سمستی پوری دامت برکاتہم ۱۴ جمادی الاولیٰ ۱۳۹۷ھ، مطابق ۳ مئی ۱۹۷۷ء، بروز منگل، دن کے ایک بجے بہار کے مشہور ضلع سمستی پور میں پیدا ہوئے۔ آپ کے والد کا نام مولانا محفوظ الرحمن صاحب ہے۔ آپ کا گھرانہ شروع ہی سے علمی تھا اور سب کا تعلق مسلکِ دیوبند سے تھا۔ اسی لیے آپ نے ابتدائی تعلیم اپنے والد محترم ہی کی نگرانی میں حاصل کی۔ اس کے بعد انگریزی کی ابتدائی تعلیم بھی حاصل کی۔ ۱۳ سال کی عمر میں آپ نے دینی تعلیم کی طرف توجہ کی۔ چنانچہ مدرسہ فیض العلوم، حسن پور، سمستی پور میں فارسی اول میں داخلہ لیا۔ اس زمانے میں فارسی کی تعلیم کئی سالوں پر مشتمل ہوتی تھی، اس لیے ۱۹۸۹ء میں مدرسہ بشارت العلوم، کھرایاں پتھرا دربھنگہ میں فارسی دوم کی تعلیم حاصل کی۔ ۱۹۹۰ء میں مدرسہ شیخ الاسلام، شیخوپور، اعظم گڑھ، یوپی میں عربی اول کی تعلیم حضرت مولانا اعجاز احمد اعظمی کی سرپرستی میں حاصل کی۔ ۱۹۹۲ء میں عربی دوم سے عربی پنجم تک، مختصر المعانی تک، دارالعلوم حیدرآباد میں تعلیم حاصل کی۔ یہاں آپ کے مشہور اس...

بہت شور و غل اور ہنگاموں سے کس کا فائدہ

بہت زیادہ شوروغل،اور ہنگاموں سے کس کافائدہ ہورہاہے،یہ بھی سوچنے کی ضرورت ہے،سیاست جذبات سے نہیں کی جاتی ہے،فکر،تدبر،سوچ،حکمت عملی،زمینی محنت کی ضرورت پڑتی ہے،دوست کو دشمن بنانابہت آسان ہے،مگر دمشمن کو دوست بنانے کاہنراگر آپ میں نہیں ہے،تو اس کا مطلب آپ سیاست میں کامیابی نہیں چاہتے ہیں،آپ یہ کیوں نہیں دیکھتے ہیں کہ الیکشن کاموسم آتے ہی برہمن واد کس طرح دلتوں کے گھر خاک چھاننے پر مجبورہوتے ہیں،ساتھ میں بیٹھتے ہیں،کھاناکھاتے ہیں،حالانکہ یہ سب دنیاکو دکھانے کے لئے ہے اور بس۔مگر دنیاتو سچ اسی کو سمجھتی ہے جوکچھ سامنے ہے۔
سیاست یقیناایک ضرورت ہے،مگر سیاست ہی ہمارے تمام مسئلوں کاحل نہیں ہے،سیمانچل کو فیسبک میں جس طرح فوکس کیاجارہاہے،ایسالگتا ہےکہ وہاں کا سب سے بڑامسئلہ یہی ہے،حالانکہ جب تک عوام نہیں چاہے گی،''سب پڑھیں،سب بڑھیں ''کامزاج پیدانہیں ہوگا،کسی بھی پارٹی کی جیت ہوجائے، مسئلے جوں کے توں برقرار رہیں گے۔ہاں ہندو،مسلم کی سیاست سے مسلمانوں کا کبھی بھی فائدہ نہیں ہواہے،اور نہ ہی مستقبل میں اس کی کوئِی امیدکی جاسکتی ہے۔
2019آچکاہے،تیاریوں شروع ہوچکی ہیں،اور لوک سبھا انتخابات کا بگل عنقریب بجنے والاہے،الیکشن جیتنے کے لئے جائِز،وناجائز حربے اپنائے جائیں گے،اور اس کاآغاز بھی ہوچکاہے،فرقہ پرست طاقتیں اصل مدعوں سے بھٹکانے کے لئے فرقہ پرستی کازہر گھولنے کی کوشسیں کررہی ہیں،آپ جوکچھ کسی ایک حلقہ کے پیش نظر لکھ رہے ہیں وہ پورے ملک میں پہونچ رہاہے،اور اس کا ایک دوسرامفہوم بھی لیاجاسکتاہے،ایسے میں کس کافائدہ ہوگا؟اور کس کانقصان؟یہ بھی سوچنے کی ضرورت ہے،ہم کسی پارٹی کے حمایتی نہیں ہیں،ہاں مگر اس ملک میں امن وامان،پیارمحبت برقرار رہے، اسی کے خواہاں ہیں،جمعیۃ علماء ہندنے متحدہ قومیت کا جو پاٹھ اس ملک کو پڑھایاتھاہمیں تو وہی یاد ہےاور وہی آپ کو سنارہے ہیں،علامہ اقبال رحمۃ اللہ کے اس شعر پر اپنی بات ختم کرتے ہیں:
مذہب نہیں سکھاتا،آپس میں بیررکھنا
ہندی ہیں ہم وطن ہیں،ہندوستاں ہمارا


خالد
انور پورنوی

تبصرے

اس بلاگ سے مقبول پوسٹس

ای۔ دارالعلوم الاسلامیۃ دیوبند، عہدِ جدید کی معصوم کلیوں کے لئے محفوظ علمی گلشن

حضرت پیر ذوالفقار احمد صاحب نقشبندی ہمارے عہد کی عظیم شخصیت

اورنگ زیب عالمگیرؒ سچائی اور پروپیگنڈه

نیا سال اور ہمارا معاشرہ

ہوشیار :آپ کے ساتھ بھی اس طرح کا دھوکہ ہو سکتا ہے