رات میں جماع کیا لیکن غسل نہیں کیا تو کوئی حرج ہے کیا

سوال :ایک مسئلہ کی طرف رہنمائی فرمائیں.....ایک شخص نے ماہ رمضان میں بیوی سے جماع کیا رات میں اور سو گیا..سحر کرنے کے بعد پھر سو گیا تو وہ شخص کب تک غسل کرسکتا ہے جس سے اسکا روزہ باقی رہے؟؟؟ یا وہ شخص سحر میں نہیں اٹھ سکا اور اسکی روزے کی نیت تھی کہ روزہ رکھوں گا تو کب تک وہ غسل کر سکتا ہے جس سے کہ اسکا روزہ باقی رہے؟؟ محمد سیف
جواب:جس وقت بھی وہ نیند سے بیدار ھو اپنی سہولت کے اعتبار سے اسی وقت غسل کرسکتا ھے  ۔
فوری طور پر غسل کرنا ضروری نہیں ھے  ، 
نہ یہ ضروری ھے کہ وہ سحری کھانے سے قبل ھی غسل کرے  ۔
البتہ نماز کا خیال رکھے  کہ قضاء نہ ھو   ، 
اس لئے ضروری ھے کہ جلد از جلد غسل سے فارغ ھوکر طہارت حاصل کرلے  اور فرائض کی ادائے گی میں مشغول ھوجائے  ، 
زیادہ دیر ناپاکی کی حالت میں گزارنا  بھی نحوست ھے  ۔
فقط واللہ تعالی اعلم