سوانح مولانا محبوب فروغ سمستی پوری

-
حضرت مولانا محبوب فروغ احمد صاحب سمستی پوری دامت برکاتہم
استاذِ حدیث، دارالعلوم دیوبند

حضرت مولانا محبوب فروغ احمد صاحب سمستی پوری دامت برکاتہم ۱۴ جمادی الاولیٰ ۱۳۹۷ھ، مطابق ۳ مئی ۱۹۷۷ء، بروز منگل، دن کے ایک بجے بہار کے مشہور ضلع سمستی پور میں پیدا ہوئے۔ آپ کے والد کا نام مولانا محفوظ الرحمن صاحب ہے۔ آپ کا گھرانہ شروع ہی سے علمی تھا اور سب کا تعلق مسلکِ دیوبند سے تھا۔ اسی لیے آپ نے ابتدائی تعلیم اپنے والد محترم ہی کی نگرانی میں حاصل کی۔ اس کے بعد انگریزی کی ابتدائی تعلیم بھی حاصل کی۔

۱۳ سال کی عمر میں آپ نے دینی تعلیم کی طرف توجہ کی۔ چنانچہ مدرسہ فیض العلوم، حسن پور، سمستی پور میں فارسی اول میں داخلہ لیا۔ اس زمانے میں فارسی کی تعلیم کئی سالوں پر مشتمل ہوتی تھی، اس لیے ۱۹۸۹ء میں مدرسہ بشارت العلوم، کھرایاں پتھرا دربھنگہ میں فارسی دوم کی تعلیم حاصل کی۔

۱۹۹۰ء میں مدرسہ شیخ الاسلام، شیخوپور، اعظم گڑھ، یوپی میں عربی اول کی تعلیم حضرت مولانا اعجاز احمد اعظمی کی سرپرستی میں حاصل کی۔ ۱۹۹۲ء میں عربی دوم سے عربی پنجم تک، مختصر المعانی تک، دارالعلوم حیدرآباد میں تعلیم حاصل کی۔ یہاں آپ کے مشہور اساتذہ میں حضرت مولانا منیر الدین صاحب اور حضرت مولانا مفتی مزمل حسین صاحب مظفرنگری کے نام خاص طور پر قابلِ ذکر ہیں، جو اس وقت دارالعلوم دیوبند کے درجۂ علیا کے استاذ ہیں۔

۱۹۹۶ء میں دارالعلوم دیوبند میں عربی ششم (جلالین) میں داخلہ لیا اور ۱۹۹۸ء میں دورۂ حدیث شریف سے فراغت حاصل کی۔ ۱۹۹۹ء میں تکمیلِ ادب کیا۔ آپ دارالعلوم میں ہمیشہ اعلیٰ نمبرات سے کامیاب ہوتے رہے۔ یہی وجہ تھی کہ ۱۹۹۹ء کے بعد جب دارالعلوم میں تخصص فی الحدیث کا شعبہ قائم ہوا تو اعلیٰ نمبرات کی بنیاد پر اس شعبے میں داخلہ لیا اور مسلسل ۱۲ سال تک فنِ حدیث میں بڑی محنت اور عرق ریزی سے کام کیا۔

دورۂ حدیث شریف میں جن اساتذۂ کرام سے آپ نے علم حاصل کیا، ان کے اسماء مع کتابیں حسبِ ذیل ہیں:
بخاری شریف اول: حضرت مولانا نصیر احمد خاں صاحب بلند شہری رحمۃ اللہ علیہ۔
بخاری شریف ثانی: حضرت مولانا عبد الحق صاحب اعظمی رحمۃ اللہ علیہ۔
ترمذی شریف جلد اول، طحاوی شریف: حضرت مولانا مفتی سعید احمد صاحب پالنپوری رحمۃ اللہ علیہ۔
ترمذی شریف جلد ثانی: حضرت مولانا سید ارشد مدنی صاحب دامت برکاتہم۔
مسلم شریف جلد اول، نسائی شریف: حضرت مولانا علامہ قمر الدین صاحب گورکھپوری۔
مسلم شریف جلد ثانی، ابوداؤد شریف جلد اول: حضرت مولانا نعمت اللہ صاحب اعظمی دامت برکاتہم۔
ابوداؤد شریف جلد ثانی: حضرت مولانا حبیب الرحمن صاحب اعظمی رحمۃ اللہ علیہ۔
ابن ماجہ شریف: حضرت مولانا مفتی ریاست علی ظفر بجنوری رحمۃ اللہ علیہ۔
شمائل ترمذی: حضرت مولانا عبدالخالق صاحب مدراسی دامت برکاتہم۔
موطأ امام مالک: حضرت مولانا قاری سید محمد عثمان صاحب منصوری رحمۃ اللہ علیہ۔
موطأ امام محمد: حضرت مولانا مفتی محمد امین صاحب پالنپوری دامت برکاتہم۔

تعلیم سے فراغت کے بعد آپ نے دو سال مدرسہ سبیل السلام، حیدرآباد میں تدریسی خدمات انجام دیں۔ بالخصوص شعبۂ تخصص فی الحدیث آپ ہی سے متعلق رہا۔

اس کے بعد جانشین شیخ الاسلام حضرت مولانا سید ارشد مدنی صاحب کے حکم پر دیوبند تشریف لائے۔ یہاں قیام کے دوران فنِ حدیث کی مشہور کتاب ’’شرح معانی الآثار‘‘ کی شرح ’’نخب الافکار فی تنقیح مبانی الاحبار‘‘ پر کام کیا۔

پھر ایک سال بعد یہاں سے جامعہ حسنیہ، کایم کلم، کیرالا تشریف لے گئے اور مسلسل ۱۹ سال تک شیخ الحدیث کے عہدے پر فائز رہے۔ یہاں شمائل ترمذی کے علاوہ دورۂ حدیث شریف کی تمام کتابیں آپ کے زیرِ درس رہیں۔ بالخصوص بخاری شریف مکمل طور پر آپ ہی سے متعلق رہی۔

ان ۱۹ سالوں کے دوران ایک سال آپ جامعہ العلوم الاسلامیہ، جوہانسبرگ، جنوبی افریقہ میں تدریس کے لیے تشریف لے گئے۔ وہاں بخاری شریف، ترمذی شریف مکمل، مشکوٰۃ شریف اول اور ہدایہ اول آپ کے زیرِ درس رہیں۔

کیرالا میں قیام کے دوران آپ نے مسلکِ شافعی کی کتابیں بھی پڑھائیں۔ ان میں ’’کنز الراغبین‘‘ شامل ہے، جس کا مشہور نام ’’محلی‘‘ ہے۔ اس کی دوسری جلد، اسی طرح اصولِ شافعی میں ابو اسحاق شیرازی کی کتاب ’’اللمع‘‘ بھی مسلسل کئی سال تک پڑھائی۔

اسی دوران آپ کے دل میں یہ خیال پیدا ہوا کہ اس کتاب پر کام کرنا چاہیے۔ چنانچہ آپ نے ’’اللمع‘‘ پر حاشیہ لکھا، جو اتحاد بک ڈپو دیوبند سے ’’تقریب اللمع‘‘ کے نام سے شائع ہوا۔ اب یہی نسخہ کیرالا کے تمام مدارس میں زیرِ درس ہے۔

مجلسِ شوریٰ کے اجلاس ۱۰ شعبان ۱۴۴۳ھ، مطابق ۱۴ فروری ۲۰۲۲ء، میں آپ کا تقرر استاذِ حدیث کے طور پر عمل میں آیا۔

اس وقت موطأ امام مالک، جلالین شریف، بیضاوی شریف (سورۂ بقرہ)، مناہل العرفان اور تخصص فی الحدیث میں مقدمہ ابن الصلاح مع تدریب الراوی آپ کے زیرِ درس ہیں۔

اللہ تعالیٰ حضرت کے علم و عمر میں برکت عطا فرمائے اور آپ کے علم سے زیادہ سے زیادہ مستفید ہونے کی توفیق عطا فرمائے۔ آمین

تبصرے

ایک تبصرہ شائع کریں

اس بلاگ سے مقبول پوسٹس

ای۔ دارالعلوم الاسلامیۃ دیوبند، عہدِ جدید کی معصوم کلیوں کے لئے محفوظ علمی گلشن

-
تصویر
✍️: مفتی شکیل منصور القاسمی  بنات کی اقامتی تعلیم گاہوں کے بلاشبہ اپنے فوائد و ثمرات ہیں۔ وہاں کا خصوصی ماحول، اوقات کی پابندی اور ہم جماعتوں کی رفاقت علمی ذوق کو پروان چڑھاتی ہے؛ مگر سچ یہ ہے کہ راقم الحروف کو نصاب و نظام کے مکمل مامون ومحفوظ ہونے پہ ہمیشہ تردد دامن گیر رہا اور مکمل قلبی انشراح نصیب نہ ہوا،کچھ اس لئے بھی کہ عصری ماحول میں پرورش پانے والی طالبات کو خالص اقامتی طرز پر مقید کردینا نہ ہمیشہ سہل ہے اور نہ ہی ہر گھرانے کے لئے موزوں تر ۔ اس کے بالمقابل، عصرِ حاضر کی عصری درسگاہوں کی طالبات کو اسلامی افکار و نظریات اور علومِ شرعیہ سے جوڑنا بھی نہایت اہم اور ناگزیر تقاضا ہے۔ آج کے ڈیجیٹل اور لادینی عہد میں جب کہ ہر سمت نت نئے فتنوں اور تہذیبی یلغار کی بارش ہے، بچیوں کے لئے ایک ایسا محفوظ علمی نظام قائم کرنا وقت کی سب سے بڑی ضرورت بن چکا ہے۔ شکر ہے کہ اہلِ علم اور ماہرینِ تعلیم اس میدان میں فکر و جستجو کے ساتھ کوشاں ہیں اور اپنے اپنے طور پر نہایت مفید و کامیاب تجربات ونتائج پیش کر رہے ہیں۔ اللہ تعالیٰ اس قافلے کو مزید وسعت و استحکام عطا فرمائے۔ انہی روشن کوششوں ...
Read more »

حضرت پیر ذوالفقار احمد صاحب نقشبندی ہمارے عہد کی عظیم شخصیت

-
تصویر
حضرت پیر ذوالفقار احمد صاحب نقشبندی : ہمارے عہد کی عظیم شخصیت : از قلم: محمد فہیم الدین بجنوری سابق استاذ دارالعلوم دیوبند : سفیرِ تصوف، تحریکِ ارشاد، الہامِ اصلاح، واعظِ روح، خطیبِ قلب، دوائے دل، بہارِ سلوک، انجمنِ تزکیہ، موسوعۂ معرفت، انقلابِ باطن، لسانِ صوفیا، قلمِ حقائق، کاشفِ اسرار، کاتبِ انوار، شارحِ دقائق، مفسرِ رموز، فاتحِ عقبات، دست گیر راہ، مشکِ عرفان، طلسمِ تقریر، سحرِ بیان، حضرت پیر فقیر ذوالفقار نقشبندی آج رحمہ اللہ ہو گئے۔ غالبا دو ہزار ایک کی بات ہے، راقم دارالافتا کا طالب علم تھا، ایک روز درس گاہ میں ایک کتاب نظر آئی، کتاب تو میں کیا ہی دیکھتا! مصنف کا نام مقناطیس بن گیا، پیشانی پر مرقوم "پیر فقیر" بالکل غیر روایتی معلوم ہوا تھا، فہرست نارمل جا رہی تھی؛ یہاں تک کہ ایک عنوان گلے پڑ گیا، اس کے الفاظ یہ تھے: "ہڑتال فقط جانچ پڑتال"، یہ سرخی بد نگاہوں کا سچا آئینہ تھی، میں اس کی ندرت کا شکار ہوا، پڑھنے گیا تو صاحبِ کتاب نے ایک نیا قاری دریافت کر لیا تھا، مجھے یہاں بلا کی ذہانت ملی، انھوں نے اصلاح کے ایک نکتے کو مزے دار، زندہ، ہم عصر اور تازہ ب...
Read more »

اورنگ زیب عالمگیرؒ سچائی اور پروپیگنڈه

-
تصویر
اورنگ زیب عالمگیرؒ  سچائی اور پروپیگنڈه قسط-1 🖋 فقیہ العصر حضرت مولانا خالد سیف اللہ رحمانی صدر آل انڈیا مسلم پرسنل لا بورڈ  کہا جاتا ہے کہ ہمارے ملک کا سنہرا دور مغلوں کی حکمرانی کا دور تھا، آج ملک میں جتنی یاد گار عمارتیں ہیں، جن کو دیکھنے کے لئے دور دور سے لوگ آتے ہیں، اور ان کی بدولت کثیر زر مبادلہ حاصل ہوتا ہے، وہ زیادہ تر مغلوں کی ہی تعمیر کردہ ہے، دنیا کے سات عجائب میں سے ایک ’’ تاج محل‘‘ ہندوستان کی سرزمین میں واقع ہے، جو بجا طور پر ہمارے لئے باعث افتخار ہے، یہ مغلوں ہی کی دین ہے ، مگر افسوس کہ انسان کی فطرت میں احسان فراموشی ہے، یہ احسان فراموشی اس وقت بہت تکلیف دہ ہوجاتی ہے، جب پڑھے لکھے ، اور دانشور کہلائے جانے والے لوگ اس کے مرتکب ہوں، اس کی بدترین مثال یہ ہے کہ ہمارے یہاں جو نیا نصاب تعلیم بن رہا ہے، اول تو اس میں تاریخ کے مضمون سے پورے مغل دور کو نکال دیا گیا ہے، مزید ستم یہ ہے کہ بابر کے خلاف تو لکھا ہی گیاہے، اکبراور اورنگ زیب، جس نے اس ملک کو سب سے زیادہ وسعت عطا کی، اس پر بھی تہمت باندھی گئی ہے، اور کسی ٹھوس تاریخی ثبوت کے بغیر صرف پروپیگنڈے کی...
Read more »

نیا سال اور ہمارا معاشرہ

-
تصویر
ازقلم:🖊مفتی مہتاب عالم قاسمی ڈائرکٹر:جامعہ اسلامیہ ناصحہ للبنات  🌻نیاسال اور ہمارامعاشرہ🌻 لیجئے!کیلنڈرنے ایک صفحہ اورپلٹ دیا٢٠١٨ء ہم سے رخصت ہوااور٢٠١٩کاسورج طلوع ہوااوراس کے ساتھ ہی ہماری زندگی سے ایک سال اورکم ہوگیا۔قدرت کانظام یہی ہے جوآیاہے اسے جاناہے چاہے وہ انسان ہویاوقت،اوریہ بھی حقیقت ہے کہ جس طرح وقت اپنی رفتارسے گذرتاچلاجارہاہے اسی وقت کے ساتھ ساتھ انسان کی زندگی سے اس کادن اورسال بھی کم ہوتاجارہاہے،لیکن حیف صدحیف!کہ بجائے اس کے کہ انسان اس وقت کے گذرنے پراپنے اعمال کامحاسبہ کرے وہ جشن اورمستی میں ڈوب جاتاہے،وہ اس طرح سے خوشیاں مناتاہے کہ گویااس کی زندگی سے وہ سال کم نہیں ہوابلکہ اس کی زندگی میں ایک سال کااضافہ ہوگیاہے۔حیرت ہے ایسے انسانوں پرجووقت کے گذرنے پراپنے اعمال کامحاسبہ کرنے کے بجائے جشن سال نوکااہتمام کرتاہے اورہزاروں لاکھوں روپے اس جشن میں بربادکردیتاہے،وہ جس سال نوکی آمدپرجشن کااہتمام کرتاہے درحقیقت وہ بیوقوف انسان اپنی زندگی سے ایک سال کم ہونے کاماتم کرتارہتاہے جسے وہ اپنی خوش فہمی کی وجہ سے جشن کانام دے دیتاہے۔ تمام مذاہب اور قوموں میں مختلف طرح کے...
Read more »

ہوشیار :آپ کے ساتھ بھی اس طرح کا دھوکہ ہو سکتا ہے

-
تصویر
ہوشیار! آپ کے ساتھ بھی اس طرح کا دھوکہ ہو سکتا ہے: مفتی غلام رسول قاسمی  میری فرینڈ لسٹ کے تقریباً دس لوگوں کے ساتھ صرف اِس ایک ہفتہ کے اندر حادثہ پیش آ چکا ہے، فیس بک پر غیر مسلم کی ٹولی خوب سرگرم ہے، جو دھوکہ دے کر لوگوں سے ماہانہ لاکھوں روپے لوٹ رہی ہے، جس کا طریقہ یہ ہے کہ دھوکہ دینے والے لوگ فیس بک یوزرس کی پروفائل والی تصویر کو وہ لوگ اپنے فون میں محفوظ کر لیتے ہیں اور جس کی تصویر سیو کرتے ہیں اسی کے نام سے جعلی اکاؤنٹ بناتے ہیں اور اس جعلی اکاؤنٹ کی پروفائل پر اصل یوزر کی چوری شدہ تصویر لگا دیتے ہیں، یہ کرنے کے فوراً بعد مکمل بائیو ہوبہو اصلی یوزر والا ڈال دیتے ہیں اور کچھ تصاویر مزید چوری کرکے اسی جعلی اکاؤنٹ سے پوسٹ کر دیتے ہیں، پھر اصل اکاؤنٹ والے کی فرینڈ لسٹ کی فہرست میں جاکر تمام کو فرینڈ ریکویسٹ بھیجتے ہیں، اب جتنے لوگ ریکویسٹ قبول کرتے ہیں ان تمام کے مسینجر پر ہیلو اور السلام علیکم لکھ دیتے ہیں خیر خیریت کے مسیجس آگے والے فرد کی جانب سے موصول ہوتے ہی گوگل پے یوز کرتے ہو (اس سے لوکیشن معلوم ہوجاتا ہے کیونکہ صرف انڈیا والوں کو ٹارگٹ کرتے ہیں) کہتے ہیں "آپ ...
Read more »