سوانح مولانا محبوب فروغ سمستی پوری

-
تصویر
حضرت مولانا محبوب فروغ احمد صاحب سمستی پوری دامت برکاتہم استاذِ حدیث، دارالعلوم دیوبند حضرت مولانا محبوب فروغ احمد صاحب سمستی پوری دامت برکاتہم ۱۴ جمادی الاولیٰ ۱۳۹۷ھ، مطابق ۳ مئی ۱۹۷۷ء، بروز منگل، دن کے ایک بجے بہار کے مشہور ضلع سمستی پور میں پیدا ہوئے۔ آپ کے والد کا نام مولانا محفوظ الرحمن صاحب ہے۔ آپ کا گھرانہ شروع ہی سے علمی تھا اور سب کا تعلق مسلکِ دیوبند سے تھا۔ اسی لیے آپ نے ابتدائی تعلیم اپنے والد محترم ہی کی نگرانی میں حاصل کی۔ اس کے بعد انگریزی کی ابتدائی تعلیم بھی حاصل کی۔ ۱۳ سال کی عمر میں آپ نے دینی تعلیم کی طرف توجہ کی۔ چنانچہ مدرسہ فیض العلوم، حسن پور، سمستی پور میں فارسی اول میں داخلہ لیا۔ اس زمانے میں فارسی کی تعلیم کئی سالوں پر مشتمل ہوتی تھی، اس لیے ۱۹۸۹ء میں مدرسہ بشارت العلوم، کھرایاں پتھرا دربھنگہ میں فارسی دوم کی تعلیم حاصل کی۔ ۱۹۹۰ء میں مدرسہ شیخ الاسلام، شیخوپور، اعظم گڑھ، یوپی میں عربی اول کی تعلیم حضرت مولانا اعجاز احمد اعظمی کی سرپرستی میں حاصل کی۔ ۱۹۹۲ء میں عربی دوم سے عربی پنجم تک، مختصر المعانی تک، دارالعلوم حیدرآباد میں تعلیم حاصل کی۔ یہاں آپ کے مشہور اس...
ایک تبصرہ شائع کریں

سوانح مفتی خورشید انور گیاوی

-
حضرت مولانا مفتی خورشید انور صاحب گیاوی دامت برکاتہم
استاذِ حدیث، دارالعلوم دیوبند
حضرت مولانا مفتی خورشید انور صاحب گیاوی دامت برکاتہم کی ولادت ۱۲ نومبر ۱۹۶۴ء، مطابق ۱۳۸۴ھ، صوبۂ بہار کے ضلع گیا (موجودہ ضلع ارول) کی بستی ہردے چک میں ہوئی۔

آپ کے والدِ ماجد حضرت مولانا عادل صاحب رحمۃ اللہ علیہ دارالعلوم دیوبند کے قدیم فاضل۔

آپ نے ابتدائی تعلیم اپنے والد کی نگرانی میں مدرسہ خیرالعلوم، چندوا، ضلع لاتیہار، جھارکھنڈ اور مدرسہ فیض الرشید، سِٹی، ضلع رانچی میں حاصل کی۔ بعد ازاں حفظِ قرآن کریم انوار العلوم، گیا میں مکمل کیا اور وہیں فارسی و عربی کی ابتدائی کتابیں پڑھیں۔

اعلیٰ تعلیم کے شوق میں آپ تنہا اتر پردیش تشریف لے گئے۔ پہلے ریڑھی تاج پورہ پہنچے، لیکن داخلہ نہ ملنے پر روڑکی چلے گئے۔ وہاں گلستان، بوستان، یوسف زلیخا اور سکندرِ زمانہ جیسی کتابیں پڑھیں۔ اس کے بعد مدرسہ خادم العلوم، باغوں والی، مظفر نگر میں داخلہ لیا اور چہارم درجے تک تعلیم حاصل کی۔

پھر بعد اس کے دارالعلوم دیوبند تشریف لائے۔ اس سال داخلے کی محدود اجازت کے باعث داخلہ نہ ہوسکا، لیکن آپ نے ہمت نہیں ہاری اور بغیر داخلے کے درجۂ ششم کی تعلیم حاصل کرتے رہے۔

اگلے سال درجۂ ہفتم کے داخلے کا امتحان دیا، مگر کامیاب طلبہ کی فہرست میں آپ کا نام نہیں آیا۔ تقریباً ایک ہفتے بعد دفترِ تعلیمات میں بلایا گیا۔ ان دنوں حضرت مولانا سید انظر شاہ کشمیری رحمۃ اللہ علیہ ناظم تھے۔

تحقیق کے دوران معلوم ہوا کہ آپ کے امتحانی پرچوں کا معیار اتنا بلند تھا کہ ممتحنین کو شبہ ہوا کہ یہ کسی طالب علم نے لکھے ہیں یا کسی مدرس نے۔ چنانچہ دوبارہ امتحان لیا گیا۔ آپ کی قابلیت اور مستعدی سے مطمئن ہوکر داخلے کی کارروائی مکمل کی گئی اور آپ کا داخلہ ہوگیا۔

آپ نے دارالعلوم دیوبند میں دورۂ حدیث شریف اور تکمیلِ افتاء کی تعلیم مکمل کی۔ آپ کے اساتذۂ حدیث میں درج ذیل حضرات شامل ہیں:
۱۔ صحیح بخاری، جلد اول: حضرت مولانا نصیر احمد خان بلند شہری رحمۃ اللہ علیہ۔
۲۔ صحیح بخاری، جلد دوم: حضرت مولانا عبد الحق اعظمی رحمۃ اللہ علیہ۔
۳۔ جامع ترمذی، جلد اول: حضرت مولانا مفتی سعید احمد پالن پوری رحمۃ اللہ علیہ۔
۴۔ صحیح مسلم، جلد اول: حضرت مولانا سید ارشد مدنی دامت برکاتہم۔
۵۔ صحیح مسلم، جلد دوم: حضرت مولانا قمر الدین احمد گورکھپوری دامت برکاتہم۔
۶۔ سنن ابی داؤد، جلد دوم: حضرت مولانا نعمت اللہ اعظمی دامت برکاتہم۔
۷۔ سنن ابن ماجہ: حضرت مولانا ریاست علی ظفر بجنوری رحمۃ اللہ علیہ۔
۸۔ شمائل ترمذی: حضرت مولانا عبد الخالق مدراسی دامت برکاتہم۔
اس کے علاوہ دیگر کتب بھی ممتاز اساتذۂ کرام سے پڑھیں۔

۱۴۰۴ھ مطابق ۱۹۸۴ء میں فراغت کے بعد آپ نے دارالعلوم دیوبند میں دو سال تک معاون مدرس کی حیثیت سے خدمات انجام دیں۔ اس کے بعد تقریباً ڈیڑھ سال حضرت مولانا مفتی سعید احمد پالن پوری رحمۃ اللہ علیہ کے مکان پر قیام کرکے آپ کے صاحب زادگان کو تعلیم دی۔

۱۹۸۸ء میں آپ کا باقاعدہ تقرر دارالعلوم دیوبند میں بحیثیت مدرس ہوا۔ اس وقت سے آپ مسلسل تدریسی خدمات انجام دے رہے ہیں اور ہزاروں طلبہ آپ سے استفادہ کرچکے ہیں۔

آپ کے موجودہ اسباق میں سنن ابی داؤد شریف، جلد دوم، مشکاة المصابیح، جلد دوم، حجۃ اللہ البالغہ اور شعبۂ مطالعہ شامی کے اسباق شامل ہیں۔

۱۴۴۰ھ مطابق ۲۰۱۹ء میں دارالعلوم دیوبند کی مجلسِ شوریٰ نے آپ کو مجلسِ تعلیمی کا ناظم منتخب کیا۔ آپ تین سال اس ذمہ داری پر فائز رہے اور بعض عوارض کی وجہ سے ۱۴۴۴ھ مطابق ۲۰۲۲ء میں اس سے سبک دوش ہوگئے۔

آپ کی علمی خدمات میں درج ذیل کام شامل ہیں:
۱۔ تکمیل العوامل کی ترتیب۔
۲۔ مفتاح التہذیب کی ترتیب۔
۳۔ رسالہ حیاۃ النبی۔
۴۔ مختلف علمی سیمیناروں میں پیش کیے گئے فقہی مقالات۔

اللہ تعالیٰ حضرت مولانا مفتی خورشید انور صاحب گیاوی دامت برکاتہم کو صحت و عافیت عطا فرمائے، ان کے علم و عمل میں برکت دے اور ان کے علمی و تدریسی فیوض کو تادیر جاری رکھے۔ آمین

تبصرے

ایک تبصرہ شائع کریں

اس بلاگ سے مقبول پوسٹس

ای۔ دارالعلوم الاسلامیۃ دیوبند، عہدِ جدید کی معصوم کلیوں کے لئے محفوظ علمی گلشن

-
تصویر
✍️: مفتی شکیل منصور القاسمی  بنات کی اقامتی تعلیم گاہوں کے بلاشبہ اپنے فوائد و ثمرات ہیں۔ وہاں کا خصوصی ماحول، اوقات کی پابندی اور ہم جماعتوں کی رفاقت علمی ذوق کو پروان چڑھاتی ہے؛ مگر سچ یہ ہے کہ راقم الحروف کو نصاب و نظام کے مکمل مامون ومحفوظ ہونے پہ ہمیشہ تردد دامن گیر رہا اور مکمل قلبی انشراح نصیب نہ ہوا،کچھ اس لئے بھی کہ عصری ماحول میں پرورش پانے والی طالبات کو خالص اقامتی طرز پر مقید کردینا نہ ہمیشہ سہل ہے اور نہ ہی ہر گھرانے کے لئے موزوں تر ۔ اس کے بالمقابل، عصرِ حاضر کی عصری درسگاہوں کی طالبات کو اسلامی افکار و نظریات اور علومِ شرعیہ سے جوڑنا بھی نہایت اہم اور ناگزیر تقاضا ہے۔ آج کے ڈیجیٹل اور لادینی عہد میں جب کہ ہر سمت نت نئے فتنوں اور تہذیبی یلغار کی بارش ہے، بچیوں کے لئے ایک ایسا محفوظ علمی نظام قائم کرنا وقت کی سب سے بڑی ضرورت بن چکا ہے۔ شکر ہے کہ اہلِ علم اور ماہرینِ تعلیم اس میدان میں فکر و جستجو کے ساتھ کوشاں ہیں اور اپنے اپنے طور پر نہایت مفید و کامیاب تجربات ونتائج پیش کر رہے ہیں۔ اللہ تعالیٰ اس قافلے کو مزید وسعت و استحکام عطا فرمائے۔ انہی روشن کوششوں ...
Read more »

حضرت پیر ذوالفقار احمد صاحب نقشبندی ہمارے عہد کی عظیم شخصیت

-
تصویر
حضرت پیر ذوالفقار احمد صاحب نقشبندی : ہمارے عہد کی عظیم شخصیت : از قلم: محمد فہیم الدین بجنوری سابق استاذ دارالعلوم دیوبند : سفیرِ تصوف، تحریکِ ارشاد، الہامِ اصلاح، واعظِ روح، خطیبِ قلب، دوائے دل، بہارِ سلوک، انجمنِ تزکیہ، موسوعۂ معرفت، انقلابِ باطن، لسانِ صوفیا، قلمِ حقائق، کاشفِ اسرار، کاتبِ انوار، شارحِ دقائق، مفسرِ رموز، فاتحِ عقبات، دست گیر راہ، مشکِ عرفان، طلسمِ تقریر، سحرِ بیان، حضرت پیر فقیر ذوالفقار نقشبندی آج رحمہ اللہ ہو گئے۔ غالبا دو ہزار ایک کی بات ہے، راقم دارالافتا کا طالب علم تھا، ایک روز درس گاہ میں ایک کتاب نظر آئی، کتاب تو میں کیا ہی دیکھتا! مصنف کا نام مقناطیس بن گیا، پیشانی پر مرقوم "پیر فقیر" بالکل غیر روایتی معلوم ہوا تھا، فہرست نارمل جا رہی تھی؛ یہاں تک کہ ایک عنوان گلے پڑ گیا، اس کے الفاظ یہ تھے: "ہڑتال فقط جانچ پڑتال"، یہ سرخی بد نگاہوں کا سچا آئینہ تھی، میں اس کی ندرت کا شکار ہوا، پڑھنے گیا تو صاحبِ کتاب نے ایک نیا قاری دریافت کر لیا تھا، مجھے یہاں بلا کی ذہانت ملی، انھوں نے اصلاح کے ایک نکتے کو مزے دار، زندہ، ہم عصر اور تازہ ب...
Read more »

اورنگ زیب عالمگیرؒ سچائی اور پروپیگنڈه

-
تصویر
اورنگ زیب عالمگیرؒ  سچائی اور پروپیگنڈه قسط-1 🖋 فقیہ العصر حضرت مولانا خالد سیف اللہ رحمانی صدر آل انڈیا مسلم پرسنل لا بورڈ  کہا جاتا ہے کہ ہمارے ملک کا سنہرا دور مغلوں کی حکمرانی کا دور تھا، آج ملک میں جتنی یاد گار عمارتیں ہیں، جن کو دیکھنے کے لئے دور دور سے لوگ آتے ہیں، اور ان کی بدولت کثیر زر مبادلہ حاصل ہوتا ہے، وہ زیادہ تر مغلوں کی ہی تعمیر کردہ ہے، دنیا کے سات عجائب میں سے ایک ’’ تاج محل‘‘ ہندوستان کی سرزمین میں واقع ہے، جو بجا طور پر ہمارے لئے باعث افتخار ہے، یہ مغلوں ہی کی دین ہے ، مگر افسوس کہ انسان کی فطرت میں احسان فراموشی ہے، یہ احسان فراموشی اس وقت بہت تکلیف دہ ہوجاتی ہے، جب پڑھے لکھے ، اور دانشور کہلائے جانے والے لوگ اس کے مرتکب ہوں، اس کی بدترین مثال یہ ہے کہ ہمارے یہاں جو نیا نصاب تعلیم بن رہا ہے، اول تو اس میں تاریخ کے مضمون سے پورے مغل دور کو نکال دیا گیا ہے، مزید ستم یہ ہے کہ بابر کے خلاف تو لکھا ہی گیاہے، اکبراور اورنگ زیب، جس نے اس ملک کو سب سے زیادہ وسعت عطا کی، اس پر بھی تہمت باندھی گئی ہے، اور کسی ٹھوس تاریخی ثبوت کے بغیر صرف پروپیگنڈے کی...
Read more »

نیا سال اور ہمارا معاشرہ

-
تصویر
ازقلم:🖊مفتی مہتاب عالم قاسمی ڈائرکٹر:جامعہ اسلامیہ ناصحہ للبنات  🌻نیاسال اور ہمارامعاشرہ🌻 لیجئے!کیلنڈرنے ایک صفحہ اورپلٹ دیا٢٠١٨ء ہم سے رخصت ہوااور٢٠١٩کاسورج طلوع ہوااوراس کے ساتھ ہی ہماری زندگی سے ایک سال اورکم ہوگیا۔قدرت کانظام یہی ہے جوآیاہے اسے جاناہے چاہے وہ انسان ہویاوقت،اوریہ بھی حقیقت ہے کہ جس طرح وقت اپنی رفتارسے گذرتاچلاجارہاہے اسی وقت کے ساتھ ساتھ انسان کی زندگی سے اس کادن اورسال بھی کم ہوتاجارہاہے،لیکن حیف صدحیف!کہ بجائے اس کے کہ انسان اس وقت کے گذرنے پراپنے اعمال کامحاسبہ کرے وہ جشن اورمستی میں ڈوب جاتاہے،وہ اس طرح سے خوشیاں مناتاہے کہ گویااس کی زندگی سے وہ سال کم نہیں ہوابلکہ اس کی زندگی میں ایک سال کااضافہ ہوگیاہے۔حیرت ہے ایسے انسانوں پرجووقت کے گذرنے پراپنے اعمال کامحاسبہ کرنے کے بجائے جشن سال نوکااہتمام کرتاہے اورہزاروں لاکھوں روپے اس جشن میں بربادکردیتاہے،وہ جس سال نوکی آمدپرجشن کااہتمام کرتاہے درحقیقت وہ بیوقوف انسان اپنی زندگی سے ایک سال کم ہونے کاماتم کرتارہتاہے جسے وہ اپنی خوش فہمی کی وجہ سے جشن کانام دے دیتاہے۔ تمام مذاہب اور قوموں میں مختلف طرح کے...
Read more »

ہوشیار :آپ کے ساتھ بھی اس طرح کا دھوکہ ہو سکتا ہے

-
تصویر
ہوشیار! آپ کے ساتھ بھی اس طرح کا دھوکہ ہو سکتا ہے: مفتی غلام رسول قاسمی  میری فرینڈ لسٹ کے تقریباً دس لوگوں کے ساتھ صرف اِس ایک ہفتہ کے اندر حادثہ پیش آ چکا ہے، فیس بک پر غیر مسلم کی ٹولی خوب سرگرم ہے، جو دھوکہ دے کر لوگوں سے ماہانہ لاکھوں روپے لوٹ رہی ہے، جس کا طریقہ یہ ہے کہ دھوکہ دینے والے لوگ فیس بک یوزرس کی پروفائل والی تصویر کو وہ لوگ اپنے فون میں محفوظ کر لیتے ہیں اور جس کی تصویر سیو کرتے ہیں اسی کے نام سے جعلی اکاؤنٹ بناتے ہیں اور اس جعلی اکاؤنٹ کی پروفائل پر اصل یوزر کی چوری شدہ تصویر لگا دیتے ہیں، یہ کرنے کے فوراً بعد مکمل بائیو ہوبہو اصلی یوزر والا ڈال دیتے ہیں اور کچھ تصاویر مزید چوری کرکے اسی جعلی اکاؤنٹ سے پوسٹ کر دیتے ہیں، پھر اصل اکاؤنٹ والے کی فرینڈ لسٹ کی فہرست میں جاکر تمام کو فرینڈ ریکویسٹ بھیجتے ہیں، اب جتنے لوگ ریکویسٹ قبول کرتے ہیں ان تمام کے مسینجر پر ہیلو اور السلام علیکم لکھ دیتے ہیں خیر خیریت کے مسیجس آگے والے فرد کی جانب سے موصول ہوتے ہی گوگل پے یوز کرتے ہو (اس سے لوکیشن معلوم ہوجاتا ہے کیونکہ صرف انڈیا والوں کو ٹارگٹ کرتے ہیں) کہتے ہیں "آپ ...
Read more »