رشتہ طے ہونے کے بعد لڑکے لڑکی کا آپس میں بات کرنا

کیا فرماتے ہیں علماءکرام ومفتیان عظام اس درج ذیل مسئلہ میں 

اگر کسی لڑکے کا کسی لڑکی سےرشتئہ نکاح طئے ہوجائے تو کیا وہ لڑکی اس لڑکے کے لئے نامحرم رہتی ہے یا محرم 
یعنی کہ وہ لڑکا اس لڑکی سے غیر ضروری بات کرسکتا ہے؟ وہ لڑکا اس لڑکی کے والدہ کے سامنے آسکتاہے؟  
براہ کرم اس مسئلہ کی مکمل وضاحت باحوالہ فرمائے

جواب نمبر 837
الجواب وباللہ التوفيق :
 کسی لڑکی سے اگر شادی کی نسبت طے ہوجائے تو شرعی لحاظ سے یہ دراصل نکاح کے وعدہ کی حیثیت رکھتی ہے،محض اس کی وجہ سے شرعا نکاح منعقد نہیں ہوتا جب تک کہ گواہوں کے روبرو قاعدہ شرعی کی روشنی میں ایجاب و قبول نہ کرلیا جائے، کسی لڑکی سے نسبت طے ہوجانے سے لڑکا لڑکی کا شوہر نہیں قرار پاتا، شرعا دونوں ایک دوسرے کے لئے اس وقت تک اجنبی ہیں جب تک دونوں کا عقد نکاح نہ ہوجائے چناچہ نکاح سے قبل لڑکا لڑکی کا آپس میں ملنا جلنا اور روبرو باہم بات چیت کرنا بلا ضرورت شرعی جائز نہیں،اسی طرح موجودہ حالات کے تناظر میں بربنائے احتیاط فون اور انٹرنٹ کے ذریعہ گفتگو کرنا درست نہيں-در مختار ج5،كتاب الحظر والاباحة،فصل في النظر والمس، ص 260،میں ہے: 
ولا يكلم الاجنبية إلا عجوزا عطست أو سلمت فيشمتها و يرد السلام عليها، وإلا لا انتهى.وبه بان أن لفظة لا في نقل القهستاني: ويكلمها بما لا يحتاج إليه زائدة، فتنبه فقط واللہ اعلم بالصواب