سوانح مولانا محبوب فروغ سمستی پوری

تصویر
حضرت مولانا محبوب فروغ احمد صاحب سمستی پوری دامت برکاتہم استاذِ حدیث، دارالعلوم دیوبند حضرت مولانا محبوب فروغ احمد صاحب سمستی پوری دامت برکاتہم ۱۴ جمادی الاولیٰ ۱۳۹۷ھ، مطابق ۳ مئی ۱۹۷۷ء، بروز منگل، دن کے ایک بجے بہار کے مشہور ضلع سمستی پور میں پیدا ہوئے۔ آپ کے والد کا نام مولانا محفوظ الرحمن صاحب ہے۔ آپ کا گھرانہ شروع ہی سے علمی تھا اور سب کا تعلق مسلکِ دیوبند سے تھا۔ اسی لیے آپ نے ابتدائی تعلیم اپنے والد محترم ہی کی نگرانی میں حاصل کی۔ اس کے بعد انگریزی کی ابتدائی تعلیم بھی حاصل کی۔ ۱۳ سال کی عمر میں آپ نے دینی تعلیم کی طرف توجہ کی۔ چنانچہ مدرسہ فیض العلوم، حسن پور، سمستی پور میں فارسی اول میں داخلہ لیا۔ اس زمانے میں فارسی کی تعلیم کئی سالوں پر مشتمل ہوتی تھی، اس لیے ۱۹۸۹ء میں مدرسہ بشارت العلوم، کھرایاں پتھرا دربھنگہ میں فارسی دوم کی تعلیم حاصل کی۔ ۱۹۹۰ء میں مدرسہ شیخ الاسلام، شیخوپور، اعظم گڑھ، یوپی میں عربی اول کی تعلیم حضرت مولانا اعجاز احمد اعظمی کی سرپرستی میں حاصل کی۔ ۱۹۹۲ء میں عربی دوم سے عربی پنجم تک، مختصر المعانی تک، دارالعلوم حیدرآباد میں تعلیم حاصل کی۔ یہاں آپ کے مشہور اس...

ٹک ٹاک پر پابندی عدلیہ کو سرخ سلام لیکن کام ابھی باقی ہے

ٹک ٹاک پر پابندی؛ ہندوستانی عدلیہ کو لال سلام!
 لیکن ابھی کام باقی ہے 

مفتی غلام رسول قاسمی 

عدلیہ کی یہ بھی ذمہ داری بنتی ہے کہ معاشرہ میں رونما ہونے والے ایسے عناصر جو معاشرے میں بگاڑ کا باعث بنتے ہوں ان پر کنٹرول کر کے معاشرہ و سوسائٹی کو ان سے پاک کرے اور عوام کی جان و مال عزت و آبرو کی حفاظت کو یقینی بنانے کی کوششیں کرے، شاید اس امر کو اپنی ذمہ داری سمجھتے ہوئے ملکی عدالت نے ٹک ٹاک اپلیکیشن پر پابندی لگائی ہے، اور آج بتاریخ ١٧ اپریل بروز چہار شنبہ رات دیر گئے گوگل نے ہندوستانی عدالت کے حکم پر عمل درآمد کرتے ہوئے ٹک ٹاک کو پلے اسٹور سے ہٹا دیا ہے، جس کی وجہ سے مادر پدر آزاد یوزرس بہت ہی  نالاں ہیں یہ لوگ سوشل میڈیا پر جگہ جگہ عدلیہ کے اس فیصلہ کے خلاف نازیبا تبصرے کرتے نظر آرہے ہیں ان کا کہنا ہے کہ عدلیہ کا یہ  اقدام آزادی و جمہوریت کے خلاف ہے، لیکن دوسری طرف مہذب معاشرے کی اصلاح و تعمیر کرنے والے اداروں و تنظیموں اور ملک کے با حیا افراد عدلیہ کے اس فیصلہ کو سراہتے ہوئے قابل تحسین اقدام قرار دے رہے ہیں، واضح رہے کہ ٹک ٹاک کے صارفین ہندوستان میں سب سے زیادہ(104) ملین ہیں، دنیا جانتی ہے کہ ٹک ٹاک اپلیکیشن لوگوں اور بطور خاص نیو جنریشن کے لیے فحاشی و عریانیت کا نیا بازار بنا کر دیا تھا، جس کی وجہ سے بے حیائی کو روز بروز فروغ مل رہا تھا، یہاں تک کہ بلا تفریق مذاہب و ملل کے معصوم اور چھوٹے چھوٹے بچے بھی مذکورہ ایپ کے ناقابل برداشت جال میں پھنس رہے تھے، بچے اس ایپ کی ویڈیوز دیکھ کر جہاں جنسی بے راہ روی کے شکار ہو رہے تھے، وہیں جھوٹی شہرت حاصل کرنے کی خاطر ویڈیوز بناتے ہوئے کئی نوجوان لڑکے لڑکیاں اور معصوم بچے اپنی جان سے ہاتھ دھو بیٹھے ہیں، گزشتہ کل کا ہی واقعہ ہے کہ کچھ لڑکے ریوالور لیکر ٹک ٹاک کے لیے ویڈیو بنا رہے تھے جس میں مشار الیہ کی جانب بندوق سے صرف ڈرامائی انداز میں دکھانا اور ایکٹنگ کرنا مقصود تھا لیکن اگلے ہی مرحلہ میں سامنے والا زمین پر پڑا تھا، ہوا یہ کہ اچانک گولی چل گئی نوجوان کو ہاسپٹل لے جایا گیا لیکن تب تک دہر ہو چکی تھی ڈاکٹروں اسے مردہ قرار دیا، اسی طرح کا دلدوز واقعہ دو ماہ قبل پنجاب کا ہے کہ ایک نوجوان  ٹک ٹاک پر اپلوڈ کرنے کے لئے کھیت میں چلتے ٹریکٹر پر کود کر ویڈیو بنا رہا تھا کہ آن واحد میں اسی ٹریکٹر کی زد میں آ کر موت کی آغوش میں چلا گیا، سلام پیش کرتا ہوں ہندوستانی عدالت کو کہ اس نے اس ایپ کی پابندی کو یقینی بنا دیا، ساتھ ہی ساتھ عدلیہ سے درخواست ہے کہ اس طرح کے حیا باختہ مزید جتنے  ایپلیکیشنز ہیں مثلاً "لائک ویڈیو " ،"ویگو ویڈیو" ہیلو" شئیر چیٹ" پر بھی مکمل طور پر پابندی عائد کردے تاکہ ملک میں بڑھتی ہوئی عریانیت اور جنسی تشدد کے واقعات کو روکا جا سکے۔
مفتی غلام رسول قاسمی
Gulamrasool939@gmail.com

تبصرے

اس بلاگ سے مقبول پوسٹس

ای۔ دارالعلوم الاسلامیۃ دیوبند، عہدِ جدید کی معصوم کلیوں کے لئے محفوظ علمی گلشن

حضرت پیر ذوالفقار احمد صاحب نقشبندی ہمارے عہد کی عظیم شخصیت

اورنگ زیب عالمگیرؒ سچائی اور پروپیگنڈه

نیا سال اور ہمارا معاشرہ

ہوشیار :آپ کے ساتھ بھی اس طرح کا دھوکہ ہو سکتا ہے