دارالعلوم دیوبند سے ممبئی ہائی کورٹ تک:

دارالعلوم دیوبند سے ممبئی ہائی کورٹ تک:

تحریر: مفتی غلام رسول قاسمی. 

یہ جواں سال میرے رفیق مکرم (دارالعلوم دیوبند) مفتی ہاشم قاسمی انصاری ہیں، موصوف دارالعلوم دیوبند سے فضیلت کے بعد عصری علوم میں قدم رنجہ ہوے اور اب ممبئی ہائی کورٹ و پونے ضلع کورٹ میں انٹرنشپ مکمل کر چکے ہیں، مفتی ہاشم (بھائی) ہمارے اور نوجوان فضلاء مدارس کے لیے ایک رول ماڈل ہیں کہ پونے (مہاراشٹر) شہر کی ایک مسجد میں امامت کے فرائض انجام دینے کے ساتھ کورٹ میں قوم و ملت کی درست نمائندگی کرنے کے لیے وکالت کی تعلیم کو اپنے لیے ضروری سمجھا، آج بھی وہ امامت کے فرائض انجام دے رہے ہیں، ہزاروں لوگ آپ سے دینی رہنمائی حاصل کر رہے ہیں، بفضل اللہ دنیوی رہنمائی بھی حاصل کر سکیں گے اللھم زد فزد! ، ملکی حالات کے پیش نظر وکالت کی تعلیم پر آج بہت جگہ سے قائدین ملت نوجوانوں پر زور دے رہے ہیں، میں فضلاء مدارس سے بھی یہی کہوں گا کہ آپ پس ہمت مت بنیے! آپ نے جب قرآن، ہزاروں احادیث، منطق فلسفہ اور فقہ کی لاتعداد گتھیاں اپنے سینے میں پیوست کر چکے ہیں تو یہ عصری علوم آپ کے لیے بالکل بھی دشوار نہیں ہے، اس لیے جو فضلاء مدارس وکالت کی تعلیم حاصل کرنا چاہتے ہیں ہمارے مفتی ہاشم قاسمی صاحب سے ضرور رہنمائی لیں!، میں اپنے دوست مفتی ہاشم قاسمی کو تہہ دل سے مبارک باد پیش کرتا ہوں اور دعا گو ہوں کہ اللہ سبحانہ آپ کو مزید کامیابی عطا فرمائے اور کورٹ میں قوم و ملت کی نمائندگی میں آپ کا معین و مددگار ہو!

مفتی ہاشم قاسمی سے رابطہ کرنے کے لیے اس نمبر پر کال کر سکتے ہیں. 

مفتی غلام رسول قاسمی